КУПУЯЛУУЛУК САЯСАТЫ

"SAIMA TELECOM" ("САЙМА ТЕЛЕКОМ") ЖАК

Акыркы жаңылоо датасы: 18-апрель 2025-жыл

1. КИРИШҮҮ

Ушул Купуялуулук саясаты (мындан ары - "Саясат") Кыргыз Республикасынын Конституциясына, Кыргыз Республикасынын Эмгек Кодексине, Кыргыз Республикасынын Жарандык Кодексине, Кыргыз Республикасынын 14.04.2008-жылдагы № 58 «Жеке мүнөздөгү маалымат жөнүндө» Мыйзамына, ошондой эле "SAIMA TELECOM" ("САЙМА ТЕЛЕКОМ") ЖАКтын (мындан ары - "Компания") ички ченемдик документтерине ылайык иштелип чыккан.

Ушул Саясаттын максаты болуп, биздин тиркемелердин колдонуучуларынын, кардарларыбыздын, кызматкерлерибиздин жана жеке маалыматтардын башка субъектилеринин жеке маалыматтарын иштеп чыгуу тартибин белгилөө, жеке маалыматтарды иштеп чыгууда адамдын жана жарандын укуктары менен

эркиндиктеринин корголушун камсыздоо эсептелет.

Мобилдик тиркемени колдонуу менен, сиз жеке маалыматтарыңызды ушул Саясатта сыпатталган түрдө топтоого, сактоого, иштеп чыгууга жана өткөрүүгө макулдугуңузду берген болосуз. Макулдукту Компанияга кайрылуу аркылуу каалаган учурда кайра чакыртып алууга болот.

2. АНЫКТАМАЛАР ЖАНА ТЕРМИНДЕР

Жеке мүнөздөгү маалыматтар (жеке маалыматтар) - конкреттүү адам жөнүндө материалдык сактоочулар жазылган маалымат, ал конкреттүү адам менен окшоштурулат же окшоштурулушу мүмкүн, ушул адамды түз же кыйыр анын биологиялык, экономикалык, маданий, жарандык же социалдык түрдүүлүгү үчүн анын биологиялык, экономикалык, маданий, жарандык же социалдык идентификация үчүн мүнөздүү болгон

бир же бир нече факторго шилтеме жасоо жолу менен идентификациялоого мүмкүндүк берет.

Жеке маалыматтарга биографиялык жана таанууга арналган маалыматтар, жеке мүнөздөмөлөр, үй-бүлөлүк абалы, финансылык абалы, ден соолугу ж.б. жөнүндө маалыматтар кирет.

3. ЖЕКЕ МААЛЫМАТТАРДЫН СУБЪЕКТИЛЕРИ

Компания кийинки субъектилердин жеке маалыматтарын иштеп чыгат:

• Кардарлардын (потенциалдуу Кардарлардын), Контрагенттердин жеке маалыматтары, ошондой эле Компаниянын Кардары (потенциалдуу Кардары) же Контрагенти болгон юридикалык жактын жетекчисинин, кызматкеринин жеке маалыматтары;

• Компания менен эмгек мамилелери түзүлгөн жумушчулардын (кызматкерлердин) жеке маалыматтары;

• ваканттык кызматтарга келе турган талапкерлердин жеке маалыматтары;

• Компаниянын мобилдик тиркемелери менен веб-сервистеринин колдонуучуларынын жеке маалыматтары;

• Компанияга башка жактар тарабынан келишимдердин жана жеке маалыматтарды иштеп чыгууга табыштаманын негизинде берилген башка субъектилердин жеке маалыматтары.

4. ТОПТОЛУУЧУ ЖЕКЕ МААЛЫМАТТАРДЫН ТИЗМЕСИ

4.1 Колдонуучулар тарабынан берилген маалыматтар

Биздин кызматтарды жана тиркемелерди колдонууда биз тараптан кийинкидей маалыматтар чогултулушу мүмкүн:

• Байланыш маалыматтары: фамилиясы, аты, атасынын аты, телефон номери, электрондук почтанын дареги;

• Профилдин маалыматтары: туулган датасы, жынысы, профилдин фотосүрөтү, артыкчылык берген нерселери;

  Колдонуучунун ИНН ;

• Түзүлүш тууралуу маалымат: түзүлүштүн модели, операциялык тутумдун версиясы, түзүлүштүн уникалдуу идентификаторлору, мобилдик түйүн жөнүндө маалымат;

• Жайгашкан жери тууралуу маалымат: сиздин макулдугуңуз менен биз GPS, Bluetooth же Wi-Fi-байланыш аркылуу сиз жүргөн анык же болжолдуу жер тууралуу маалыматты чогултушубуз мүмкүн;

• Колдонуу жөнүндө маалымат: биздин кызматтар менен өз ара аракеттешүүңүз жөнүндө, анын ичинде кирген убактыңыз, көрүп чыккан баракчалар жана функцияны колдонуу жөнүндө маалыматтар;

• Транзакциялар боюнча маалымат: биздин кызматтар аркылуу ишке ашырылган сатып алуулар жана төлөмдөр жөнүндө маалыматтар.

4.2 Кызматкерлердин жана талапкерлердин жеке маалыматтары

Кызматкерлердин жана талапкерлердин жеке маалыматтарына кийинкилер кирет:

• фамилиясы, аты, атасынын аты;

• туулган датасы жана жери;

• кызматкердин жана талапкердин ИНН;

• биографиялык маалыматтары;

• жарандыгы (анын ичинде башка жарандыктары) тууралуу маалымат;

• үй-бүлөлүк курамы, үй-бүлөлүк абалы жөнүндө маалымат;

• билими жөнүндө маалымат;

• билими тууралуу документ боюнча квалификациясы, даярдыктан өтүү багыты же адистиги;

• жашаган жеринин (келген жеринин) дареги;

• катталган жери, жашаган жери жөнүндө маалымат;

• байланыш телефонунун номери же байланыштын башка жолдору тууралуу маалымат;

• өздүгүн тастыктоочу документтеги маалыматтар;

• салык төлөөчүнүн идентификациялык номери;

• жеке идентификациялык номери;

• эмгек ишмердүүлүгү жөнүндө маалымат;

• эмгек мамилелерин аткаруу үчүн зарыл болгон башка жеке маалыматтар.

5. ЖЕКЕ МААЛЫМАТТАРДЫ ИШТЕП ЧЫГУУ МАКСАТЫ

Биз жеке маалыматтарды кийинки максаттарда иштеп чыгабыз:

• Кызматтарыбызды жана мобилдик тиркемелердин функцияларын көрсөтүү;

• Колдонуучулардын каттоо жазууларын башкаруу;

• Транзакцияларды иштеп чыгуу жана аткаруу;

• Колдонуучулар менен кардарларды тейлөө жана техникалык колдоо маселелери боюнча байланыш;

• Колдонуучу тажрыйбасын персонализациялоо;

• Кызматтарыбызды жана тиркемелерибизди жакшыртуу жана оптимизациялоо;

• Тенденцияларды аныктоо максатында кызматтардын жана тиркемелердин колдонулушуна талдоо жүргүзүү;

• Эмгек келишиминин шарттарынын жана укуктар менен милдеттердин Кыргыз Республикасынын эмгек мыйзамдарына ылайык аткарууну камсыздоо;

• Жумушка орноштуруу жөнүндө чечимдерди кабыл алуу;

• Жеке жактар, юридикалык жактар, жеке ишкерлер жана башка жактар менен жарандык-укуктук келишимдерди түзүү, аткаруу жана токтотуу;

• Коопсуздукту камсыз кылуу, алдамчылыктын алдын алуу жана укуктарыбызды коргоо;

• Кыргыз Республикасынын мыйзамдарынын талаптарын аткаруу.

6. ЖЕКЕ МААЛЫМАТТАРДЫ ИШТЕП ЧЫГУУНУН ПРИНЦИПТЕРИ

Компания өзүнүн ишмердүүлүгүндө «Жеке мүнөздөгү маалымат жөнүндө» Кыргыз Республикасынын Мыйзамында белгиленген жеке маалыматтарды иштеп чыгуунун принциптеринин сакталышын камсыз кылат:

• Жеке маалыматтар мыйзамдуу жана адилеттүү негизде иштелип чыгышы керек;

• Жеке маалыматтар конкреттүү, алдын ала аныкталган жана мыйзамдуу максаттарда чогултулушу керек;

• Жеке маалыматтарды жеке маалыматтарды чогултуунун максаттарына туура келбеген максатта иштеп чыгууга жол берилбейт;

• Өз ара шайкеш келбеген максаттарда иштелип чыккан жеке маалыматтарды камтыган маалымат базаларын бириктирүүгө жол берилбейт;

• Иштеп чыгуу максаттарына жооп берген жеке маалыматтар гана иштелип чыгууга

  тийиш;

• Иштеп чыгууга жаткан жеке маалыматтардын мазмуну жана көлөмү иштеп чыгуунун билдирилген максаттарына шайкеш;

• Жеке маалыматтарды иштеп чыгууда жеке маалыматтардын тактыгы, жетиштүүлүгү, ал эми зарыл болгон учурларда жеке маалыматтарды иштеп чыгуу максаттары боюнча акталдуулугу да камсыз кылынат.

Компания Кыргыз Республикасынын мыйзамдарында каралган учурлардан тышкары, расалык, улуттук таандыктыкка, саясий көз караштарга, диний, философиялык ишенимдерге, ден соолуктун абалына байланыштуу жеке маалыматтардын атайын категорияларын иштеп чыкпайт.

7. ЖЕКЕ МААЛЫМАТТАРДЫ ҮЧҮНЧҮ ЖАКТАРГА БЕРҮҮ

Компания кийинки учурларда жеке маалыматтарды үчүнчү жактарга бере алат:

• Жеке маалыматтардын ээсинин макулдугунун негизинде;

• Кыргыз Республикасынын мыйзамдарында каралган учурларда;

• Маалыматтарды берүү жеке маалыматтардын субъектисинин өмүрүн, ден соолугун же жашоо үчүн өтө маанилүү кызыкчылыктарын коргоо үчүн керек болгондо;

• Бизге кызматтарыбызды көрсөтүүгө жардам берген иш өнөктөштөрүбүзгө, кызмат жеткирүүчүлөргө (провайдерлерге) жана башка үчүнчү жактарга (төлөмдөрдү иштеп чыгуу, кардардык колдоо көрсөтүү, маалыматтар хостинги);

• Өзгөртүп уюштуруу, бириктирүү, активдерди сатуу же банкрот учурларында.

Компания жеке маалыматтарды транс чек аралык өткөрүүнү ишке ашырууга укуктуу. Мында Компания маалыматтарды транс чек аралык өткөрүүнү ишке ашырууга карата коюлган бардык талаптарды «Жеке мүнөздөгү маалыматтар жөнүндө» Кыргыз Республикасынын Мыйзамына жана Кыргыз Республикасынын эмгек мыйзамдарынын талаптарына ылайык аткарат.

8. ЖЕКЕ МААЛЫМАТТАРДЫ САКТОО МӨӨНӨТҮ

Жеке маалыматтар Компаниянын маалымат тутумдарында, ошондой эле кагаз түрүндөгү ташуучуларда иштелип чыгат жана сакталат.

Жеке маалыматтарды сактоо мөөнөттөрүн Компания кийинкидей талаптарга ылайык белгилейт:

• Жеке маалыматтар аларды топтоонун максаттарын ишке ашыруу үчүн зарыл болгон мөөнөттөн ашык убакыт сакталбайт;

• Сактоо мөөнөттөрү жеке маалыматтын субъектисинин кызыкчылыгында же Кыргыз Республикасынын мыйзамдарында белгиленген учурларда гана узартылышы мүмкүн;

• Сактоо мөөнөтү аяктаганда жеке маалыматтар маалымат тутумдарынан ээсиздендирилип, кагаз түрүндөгү ташуучудан Кыргыз Республикасынын мыйзамдарында белгиленген тартипте жок кылынат.

9. ЖЕКЕ МААЛЫМАТТАРДЫН СУБЪЕКТИСИНИН УКУКТАРЫ

Жеке маалыматтардын субъектиси төмөнкү укуктарга ээ:

• Жеке маалыматтарын иштеп чыгууга байланыштуу маалыматка ээ болуу;

• Жеке маалыматтары толук эмес болуп чыккан, эскирип калган, так болбогон, мыйзамсыз алынган же иштеп чыгуунун билдирилген максаты үчүн зарыл болбогон учурларда, аларды такташтырууну, бөгөттөөнү же жок кылууну талап кылуу;

• Жеке маалыматтарын иштеп чыгууга берген макулдугун кайра чакыртып алуу;

• Эгер жеке маалыматтардын субъектиси Компания анын жеке маалыматтарын «Жеке мүнөздөгү маалыматтар жөнүндө» Кыргыз Республикасынын Мыйзамынын талаптарын бузуу менен иштеп чыгууда деп ойлосо, анда жеке маалыматтардын субъектилеринин укуктарын коргоо боюнча ыйгарым укуктуу органга кайрылуу аркылуу Компаниянын аракеттерине же аракетсиздигине даттануу.

Жеке маалыматтардын субъектиси өзүнүн укуктарын ишке ашыруу жана мыйзамдуу кызыкчылыктарын коргоо үчүн Компанияга кайрылууга укуктуу. Компания жеке маалыматтардын субъектилеринен келип түшкөн жазуу жүзүндөгү кайрылууларды жана даттанууларды карап чыгат, мыйзам бузуу фактыларын иликтейт жана аларды тез арада жоюу жана талаш жана чыр-чатактуу жагдайларды чечүү үчүн зарыл болгон чараларды көрөт.

10. ЖЕКЕ МААЛЫМАТТАРДЫ КОРГОО

Компания жеке маалыматтарды аларга мыйзамсыз же кокусунан ээ болуу, жок кылуу, өзгөртүү, бөгөттөө, көчүрмөлөө, жайылтуу аракеттеринен, ошондой эле үчүнчү жактардын башка мыйзамсыз аракеттеринен коргоо максатында керектүү бардык уюштуруу жана техникалык чараларды көрөт.

Мындай чаралардын катарына төмөнкүлөр кирет:

• Жеке маалыматтарды иштеп чыгууну уюштуруу үчүн жооптуу кызматкерлерди дайындоо;

• Компаниянын кызматкерлеринин жеке маалыматтарга ээ болуу мүмкүндүгүн чектөө;

• Жеке маалыматтарды иштеп чыгууда алардын коопсуздугуна келтириле турган коркунучтарды аныктап чыгуу;

• Жеке маалыматтарга мүмкүндүк алуу эрежелерин белгилөө;

• Маалыматты коргоо каражаттарын колдонуу;

• Сырсөздөрдү жана башка идентификациялоо чараларын орнотуу;

• Жеке маалыматтарга уруксатсыз мүмкүндүк алуу фактыларын аныктап чыгуу жана тийиштүү чараларды көрүү;

• Жеке маалыматтардын коопсуздугун камсыздоо боюнча көрүлгөн чараларга

  көзөмөл жүргүзүү.

11. КУПУЯЛУУЛУК САЯСАТЫН ӨЗГӨРТҮҮ

Компания ушул Купуялуулук саясатына өзгөртүүлөрдү киргизүү укугун сактап калат. Купуялуулук саясатына өзгөртүүлөрдү киргизип жатып, биз сизге бул тууралуу сайтыбызга жана/же мобилдик тиркемебизге Саясаттын жаңыланган версиясын жайгаштыруу аркылуу билдиребиз. Купуялуулук саясатындагы өзгөрүүлөрдөн кабардар болуш үчүн мезгил-мезгили менен Саясатты текшерип турууну сунуштайбыз.

12. Мобилдик тиркемеде колдонулган уруксаттар

Биздин мобилдик тиркемебиз кийинкидей уруксаттарды сурашы мүмкүн:

• Камерага мүмкүндүк алуу — фотосүрөттөрдү/документтерди көчүрүү үчүн;

• Жайгашкан жерге мүмкүндүк алуу — туура сервистерди көрсөтүү максатында колдонуучунун жайгашкан жерин аныктоо үчүн;

• Файлдар тутумуна кирүү мүмкүндүгү — колдонуучу маалыматтарын жана кэшти сактоо үчүн;

• Интернетке кирүү мүмкүндүгү — биздин онлайн-сервистерге кошуу үчүн.

• Жогорудагы уруксаттардын ар бири тиркеменин колдонуучусунун макулдугунун негизинде гана колдонулат.

13. БАЙЛАНЫШ МААЛЫМАТТАРЫ

Эгер сизде биздин Купуялуулук саясатыбыз боюнча суроолор же сунуштар пайда болсо,

анда биз менен байланышыңыз:

"SAIMA TELECOM" ("САЙМА ТЕЛЕКОМ") ЖАК

Дареги: Бишкек ш.

Телефон: +996 708 909 000

Email: info@saimatelecom.kg

Ушул Купуялуулук саясаты жайгаштырылган мезгилден тартып күчүнө кирет жана жаңы

версиясы менен алмаштырылган учурга чейин жарактуу болуп саналат.